اسلام آباد:(دنیا نیوز) وزیراعظم شہبازشریف نے کہا ہے کہ میرا ایک ہی مقصد ملک میں سرمایہ کاری لانا ہے۔
وفاقی دارالحکومت میں زرعی طلبہ کو چین بھیجنے کی تقریب سےخطاب کرتے ہوئے شہبازشریف کا کہنا تھا کہ زرعی شعبےمیں تربیت کے لیے نوجوانوں کو میرٹ پر منتخب کیا گیا۔
انہوں نے کہا کہ زرعی شعبےمیں چین کےتجربات سےبھرپوراستفادہ کریں گے،زرعی شعبےکی جدید ٹیکنالوجی کی پاکستان منتقلی ترجیح ہے، زرعی شعبہ ملکی معیشت میں ریڑھ کی ہڈی کی حیثیت رکھتا ہے۔
وزیراعظم کا کہنا تھا کہ پاکستانی طلبا کوتربیت دینےپرچینی قیادت کےمشکورہیں، چین پاکستان کا بااعتماد اوربہترین دوست ہے،تربیت کےلیےچاروں صوبوں سےنوجوانوں کومنتخب کیا گیا۔
یہ بھی پڑھیں: سیلاب متاثرین کی بحالی، تعمیر نو کی تکمیل تک چین سے نہیں بیٹھیں گے: وزیراعظم
شہباز شریف نے کہا کہ تربیتی پروگرام میں بلوچستان کا 10فیصد اضافی کوٹہ رکھا گیا ہے، بلوچستان کوترقی میں دوسرے صوبوں کےبرابرلانےکا فیصلہ کیا ہے،زرعی شعبےمیں ہم سے پیچھے رہ جانے والے ممالک آج بہت نکل گئے۔
ان کا مزید کہنا تھا کہ ایس سی اوسمٹ میں شرکت کے لیے چین کا دورہ کروں گا، میرا ایک ہی مقصد ملک میں سرمایہ کاری لانا ہے، پاکستان کو قرضوں سےنجات دلا کر ملک کوترقی کی طرف لے جائیں گے، پاکستان کی ترقی کی کنجی اب نوجوانوں کےہاتھ میں ہے۔
رانا تنویر حسین
وفاقی وزیرزرعی پیدوار رانا تنویر حسین نے کہا ہے کہ نوجوانوں کی چین سے تربیت سے زرعی شعبے میں جدت آئے گی، وزیراعظم کے ویژن کے تحت زرعی شعبےکو جدید خطوط پر اُستوار کیا جا رہا ہے۔
چینی سفیر
چینی سفیرکا تقریب سےخطاب کرتے ہوئے کہنا تھا کہ زرعی شعبےمیں طلبا کی تربیت کےدُوررَس اثرات مرتب ہوں گے، وزیراعظم شہبازشریف کی قیادت میں پاکستان نےاہم کامیابیاں حاصل کی ہیں، پاکستانی معیشت مستحکم اور زرمبادلہ کے ذخائر میں اضافہ ہوا ہے۔
انہوں نے مزید کہا کہ زراعت، معیشت سمیت مختلف شعبوں میں چین پاکستان کے ساتھ تعاون جاری رکھے گا۔
