پشاور: (دنیا نیوز) کوہستان کے چالیس ارب کرپشن سکینڈل میں نامزد چار ملزمان نے احتساب عدالت میں پلی بارگین کی درخواستیں دائر کردیں۔
نیب ذرائع کے مطابق پلی بارگین کے لیے درخواستیں دینے والوں میں سی این ڈبلیو ڈیپارمنٹ کے ہیڈ کلرک قیصر اور تین بے نامی حصہ داروں میں قیصر کی اہلیہ و دیگر دو شامل ہیں۔
ملزمان نے درخواستوں میں مؤقف اختیار کیا کہ وہ نیب کے ساتھ پلی بارگین کے لیے تیار ہیں، ملزمان کا موقف ہے کہ وہ اپنے ذمے واجب الادا رقم دینے کو تیار ہیں۔
ذرائع نے بتایا کہ ملزمان کے ذمے واجب رقم اور اثاثوں کی جانچ پڑتال کریں گے، چانچ پڑتال اور چیرمین نیب سے منظوری کے بعد ملزمان کے ساتھ پلی بارگین کی جائے گی۔
نیب کے مطابق ملزم قیصر میگا کرپشن سکینڈل میں مرکزی ملزمان میں شامل ہے، ملزم نے دیگر ملزمان کی ملی بھگت سے ترقیاتی سکیموں کے نام پر چالیس ارب روپے نکالے ہیں، ترقیاتی سکیمیں گراؤنڈ پر موجود نہیں ہیں اور پیسے نکالے گئے ہیں۔
نیب کے مطابق ملزم نے اپنے نام ، اپنے اہلیہ اور دیگر رشتہ داروں کے نام منقولہ اور غیر منقولہ اربوں کی اثاثے بنائے ہیں، ملزم اپنے بے نامی حصہ داروں کے ساتھ پلی بارگین کے لیے تیار ہے۔
