اسلام آباد: (دنیا نیوز) سپریم کورٹ بار کے سالانہ انتخابات 16 اکتوبر کو ہوں گے، 4379 وکلاء اہل ووٹر قرار پائے ہیں۔
آج امیدواروں کی عارضی فہرست جاری کی جائے گی، بار الیکشن کے لیے اپیلیں دائر کرنے کی آخری تاریخ یکم اکتوبر مقررکی گئی ہے،3 اکتوبر تک ان اپیلوں پر فیصلے سنائے جائیں گے۔
امیدواروں کو4 اکتوبر دوپہر2 بجے تک اپنی نامزدگی واپس لینے کی اجازت ہوگی اوراسی روز سہ پہر3 بج کر30 منٹ پر امیدواروں کی حتمی فہرست جاری کی جائے گی۔
ملک بھر سے مجموعی طور پر4379 وکلاء ووٹ کاسٹ کرنے کے اہل قرار دیے گئے ہیں، لاہور سے 1460، ملتان 315، بہاولپور 145، راولپنڈی 805، خیبرپختونخوا 593، سندھ 741 اور بلوچستان سے 322 وکلاء شامل ہیں۔
