مظفرآباد: (محمد اسلم میر) آزاد جموں و کشمیر میں مزید 2 وزراء نے بھی حکومتی عہدے چھوڑ دیئے۔
ذرائع کے مطابق اتحادی حکومت میں شامل مستعفی وزراء کی تعداد 3 ہوگئی، دونوں وزراء آج پریس کانفرنس کے ذریعے حکومت سے علیحدگی کے حوالے سے اہم پریس کانفرنس بھی کریں گے۔
مستعفی ہونے والوں میں وزیر خزانہ عبدالماجد خان اور وزیر خوراک چودھری اکبر ابراہیم شامل ہیں۔
آزاد جموں و کشمیر میں جوائنٹ عوامی ایکشن کمیٹی کی طرف سے مہاجرین ممبران اسمبلی کی نشستوں کی مخالفت کے بعد وزراء کے استعفے آنا جاری ہیں، وفاقی وزراء اور ایکشن کمیٹی کے درمیان مذاکرات ہوئے تھے۔
یاد رہے کہ آزاد جموں و کشمیر کابینہ میں 20 وزراء اور مشیران پر اتفاق کیا گیا تھا، سیکرٹریز کی تعداد بھی 20 رکھنے پر اتفاق ہوا تھا۔
