لاہور: (دنیا نیوز) پاکستان تحریک انصاف کے رہنما شوکت یوسفزئی نے کہا ہے کہ افغان مہاجرین کو واپس بھیجنے کی کبھی مخالفت نہیں کی۔
نجی ٹی وی سے گفتگو کرتے ہوئے شوکت یوسفزئی کا کہنا تھا کہ حکومت ہمارے ساتھ افغان مہاجرین کی واپسی کیلئے شیڈول بنالے، افغان مہاجرین خود جا رہے ہیں، لیکن ابھی راستے بند ہیں، افغان مہاجرین اپنی جائیداد فروخت کر رہے ہیں، سرحد پر تین چار دن لوگ بھوکے پیاسے پڑے رہتے ہیں، اس سے غلط پیغام جاتا ہے۔
انہوں نے کہا کہ عمران خان کا سوشل میڈیا اکاؤنٹ کہاں سے آپریٹ ہو رہا ہے اس بارے میں علم نہیں ہے، بیرسٹر گوہر بھی اس سے لاعلم ہیں۔
پی ٹی آئی رہنما کا کہنا تھا کہ باہر بیٹھے لوگ بانی پی ٹی آئی اور ہمارے نام پر دکان چمکا رہے ہیں۔
