لاہور: (دنیا نیوز) لاہور میں گل داؤدی نمائش 2025ء کا آغاز ہوگیا، سینئر صوبائی وزیر مریم اورنگزیب نے نمائش کا افتتاح کیا۔
نمائش میں 200 اقسام کے گل داؤدی رکھے گئے ہیں، میری گولڈ پھول بھی نمائش کا حصہ ہیں، نمائش گاہ میں سبز ہلالی پرچم کو روشنیوں سے جگمگا دیا گیا، نمائش میں سنو کارنر سرد موسم کی منظر کشی کر رہا ہے، نمائش میں آنیوالوں کا خوبصورت دھنوں سے استقبال کیا گیا۔
سرد شام میں جیلانی پارک آنے والوں نے نمائش میں گہری دلچسپی کا اظہار کیا۔
مریم اورنگزیب نے کہا کہ گل داؤدی نمائش کے انتظامات قابل تحسین ہیں، شہری نمائش دیکھنے ضرور جیلانی پارک آئیں، حکومت شہریوں کو تفریح کی سہولیات فراہم کرنے کیلئے پُرعزم ہے۔
سینئر صوبائی وزیر نے اعلیٰ کارکردگی پر افسروں کو شیلڈز سے نوازا، افتتاحی تقریب میں صوبائی وزرا بلال یاسین، رانا سکندر، کاظم علی پیرزادہ بھی شریک ہوئے، چیئرمین پی ایچ اے غزالی سلیم بٹ، سیکرٹری ہاؤسنگ نورالامین مینگل بھی شریک ہوئے۔
ڈی جی پی ایچ اے ناہید گل بلوچ بھی تقریب میں موجود رہیں، ایم ڈی پی ایچ اے راجہ منصور احمد نے بریفننگ دی۔
