جدہ: (دنیا نیوز) برازیل نے ایکسٹرا منٹس میں میرنڈا کے گول کی بدولت ارجنٹائن کو 1-0 سے ہرایا۔
برازیل نے ارجنٹائن کو شکست دے کر چار ملکی فرینڈلی فٹبال ٹورنامنٹ جیت لیا۔ کنگ عبداللہ سپورٹس سٹی سٹیڈیم میں کھیلے گئے فائنل میں برازیل اور ارجنٹائن کے درمیان زبردست مقابلہ دیکھنے کو آیا تاہم اعصاب کی جنگ میں قسمت نے برازیل کا ساتھ دیا اور اس نے ارجنٹائن کو 1-0 گول سے ہرا کر چار ملکی فرینڈلی فٹبال ٹورنامنٹ جیتنے کا اعزاز حاصل کیا۔ پہلے ہاف میں دونوں ٹیمیں گولز کرنے میں ناکام رہیں۔ 90 پلس تھری منٹس میں برازیل کے میرنڈا نے گول کر کے ٹیم کو برتری دلائی جو میچ کے اختتام تک برقرار رہی۔
