لاہور: (دنیا نیوز) برازیل نے پیرو کو تین ایک سے ہرا کر 12 سال بعد کوپا امریکا فٹبال کپ کا ٹائٹل جیت لیا، ریفری کے فیصلے پر باہر جاتے فارورڈ گیبرئیل جوسس کا غصہ آؤٹ آف کنٹرول ہو گیا، جوس کا ڈبہ زمین پر دے مارا، بورڈ کو مکا جڑا اور بیٹھ کے رونے لگے۔
دنیا کے ہردلعزیز کھیل فٹبال کا میگا ایونٹ، کوپا امریکا کپ کا ٹائٹل مقابلہ ہوا جس میں میزبان برازیل اور پیرو آمنے سامنے آئے، سوسا نے پندرہویں منٹ میں گول کر کے برتری کی دھاک بٹھائی۔
پہلے ہاف کے اضافی منٹ میں فارورڈ گیبرئیل جوسس کے فاؤل پر سرخ جھنڈی دکھانے پر میدان سے باہر جاتے ہوئے آؤٹ آف کنٹرول ہو گئے۔ جوس کا ٹین پیک زور سے پھینک دیا، بورڈ کو مکا دے مارا پھر بھی غصہ نہ اترا تو رونے لگے۔
برازیل نے تین ایک سے جیت کر نویں بار ٹائٹل اپنے نام کر لیا، بڑی جیت کے بعد بڑا جشن منایا گیا۔
