کراچی: (دنیا نیوز) انٹرنیشنل ٹینس فیڈریشن (آئی ٹی ایف) وفد نے پاکستان ٹینس فیڈریشن کے صدر سلیم سیف اللہ سے ملاقات کی ہے جبکہ وفد نے پاکستان سپورٹس بورڈ کے ڈائریکٹر جنرل عارف ابراہیم سے بھی ملاقات کی۔
دنیا نیوز کے مطابق آئی ٹی ایف وفد نے پاکستان سپورٹس کمپلیکس اور دیگر مقامات کا دورہ کیا، اس موقع پر سکیورٹی وفد کے ممبر جائلز روبنز کا کہنا تھا کہ امید ہے پاک بھارت شائقین ٹینس کو اچھا کھیل دیکھنے کو ملے گا۔
ان کا مزید کہنا تھا کہ اسلام آباد میں ہونے والے ڈیوس کپ کیلئے کئے گئے اقدامات تسلی بخش ہے، پاکستان اور بھارت کے مابین مقابلوں میں ہمیشہ سے بڑی دلچسپی رہی ہے۔ پاکستان اور بھارت 14 اور 15 ستمبر کو اسلام آباد میں مدمقابل ہوں گے۔
یاد رہے کہ بھارتی ٹیم 55 سالہ ڈیوس کپ تاریخ میں پہلی بار پاکستان کا دورہ کرے گی۔
