لندن : ( ویب ڈیسک ) انگلش کلب فلہم کے سٹرائیکر الیگزینڈر میترووچ پر میچ کے دوران ریفری کو دھکا دینے پر آٹھ میچوں کی پابندی اور 93 ہزار ڈالر کا جرمانہ عائد کر دیا گیا۔
یہ واقعہ گزشتہ ماہ ایف اے کپ کوارٹر فائنل میچ کے دوران پیش آیا تھا جس میں فہلم کو مانچسٹر یونائیٹڈ کے ہاتھوں شکست کا سامنا کرنا پڑا تھا۔
گزشتہ ہفتے الیگزینڈر نے اپنے ایک بیان میں اپنے رویے پر افسوس کرتے ہوئے ریفری کرس کاؤناگ سے معافی بھی مانگی تھی۔
الیگزینڈر میترووچ کو ریفری کو دھکا دینے پر فوری طور پر ریڈ کارڈ دکھایا گیا تھا ان کے ساتھ ساتھ ٹیم منیجر مارکو سلوا کو بھی ریڈ کارڈ دکھایا گیا جس کے بعد ان پر بھی دو میچوں کی پابندی عائد ہو گئی ہے۔
