روم : (ویب ڈیسک ) روس کے نامور ٹینس سٹار ڈینیئل مدویدوف اے ٹی پی فائنلز کے سیمی فائنل میں پہنچ گئے جبکہ عالمی نمبر دوکارلوس الکاراز نے اے ٹی پی فائنلز گروپ مرحلے میں حریف روسی کھلاڑی آندرے روبلوف کو ہرادیا۔
اے ٹی پی فائنلز گروپ میچز اٹلی کے شہر ٹورن میں جاری ہیں ، اے ٹی پی فائنلز کے گروپ گرین میں مردوں کے سنگلز مقابلوں کے میچ میں روسی کھلاڑی نے عمدہ کارکردگی کا مظاہرہ کرتے ہوئے جرمن حریف کھلاڑی الیگزینڈر زویروف کو ٹائی بریک پر سٹریٹ سیٹس میں 6-7(7-9) اور 4-6 سے شکست دے کر سیمی فائنل راؤنڈ کے لئے کوالیفائی کیا۔
— ATP Tour (@atptour) November 15, 2023
گروپ ریڈ کے میچ میں ہسپانوی بین الاقوامی شہرت یافتہ ٹینس سٹار اور عالمی نمبر دوکارلوس الکاراز نے سخت مقابلے کے بعد جرمنی کے حریف کھلاڑی الیگزینڈر زیویروف کے ہاتھوں پہلی شکست کے بعد دوسرے میچ میں روسی حریف کھلاڑی آندرے روبلوف کو سٹریٹ سیٹس میں 5-7 اور 2-6 سے ہرا کر ایونٹ میں پہلی فتح حاصل کرلی۔
— ATP Tour (@atptour) November 15, 2023
