ناروے کپ: پاکستان سٹریٹ چائلڈ فٹبال ٹیم کا پری کوارٹر فائنل میں سفر ختم

اوسلو: (دنیا نیوز) پاکستان سٹریٹ چائلڈ فٹبال ٹیم کا ناروے کپ 2025 کے پری کوارٹر فائنل میں سفر ختم ہوگیا، گیمبیا نے 0-3 سے کامیابی پا کر قومی ٹیم کو ایونٹ سے باہر کر دیا۔

ذرائع کے مطابق ناروے کے دارالحکومت اوسلو میں عالمی سطح پر ہونے والے سب سے بڑے یوتھ فٹبال ٹورنامنٹ میں پاکستان سٹریٹ چائلڈ فٹبال ٹیم پری کواٹر فائنل مرحلے میں ہمت ہار گئی۔

گیمبیا کی مضبوط ٹیم نے یکطرفہ مقابلے میں 3 گول سے فتح اپنے نام کی، پاکستان سٹریٹ چائلڈ فٹبال ٹیم کھیل میں بے بس نظر آئی اور ایک گول بھی نہ کر سکی۔

قبل ازیں پاکستان سٹریٹ چائلڈ فٹبال ٹیم نے اپنے چوتھے میچ میں سوئیڈن کے سکائیل برگس کلب کو 0-3 سے شکست دی تھی، تیسرا میچ سندانے ٹیم کے خلاف 1-1 گول سے برابر رہا تھا، دوسرے میچ میں پاکستان سٹریٹ چائلڈ ٹیم نے رستاد کلب کو 0-6 سے شکست دی تھی۔