واشنگٹن: (ویب ڈیسک) امریکا کی خاتون باڈی بلڈر چیمپئن ہیلی میک نیف اچانک 37 سال کی عمر میں چل بسیں۔
امریکی میڈیا کے مطابق ہیلی میک مقامی سطح پر باڈی بلڈنگ کی چیمپئن بھی رہ چکی ہیں، وہ غذائیت اور صحت سے متعلق کوچ اور نیوٹریشنسٹ بھی تھیں۔
میڈیا رپورٹس کے مطابق ہیلی میک نیف کی موت کی وجہ اب تک معلوم نہیں ہوسکی ہے، سوشل میڈیا پر ہیلی میک نیف کے فالوورز کی جانب سے ان کی موت پر دکھ کا اظہار کیا جارہا ہے۔
امریکی میڈیا کے مطابق ہیلی میک نیف نے گریجویشن تک تعلیم حاصل کی تھی اور انہوں نے ریٹائرمنٹ کے بعد سائیکولوجی میں مزید اعلیٰ تعلیم حاصل کرنے کا فیصلہ کیا تھا۔
