وہاڑی: (دنیا نیوز) کبڈی کے میدان میں کھلاڑی ماکھا جٹ جہانیاں منڈی والا دل کا دورہ پڑنے سے انتقال کر گیا۔
ماکھا جٹ کو وہاڑی میں میچ کے دوران دل کا دورہ پڑا۔
ماکھا جٹ کے انتقال پر ساتھی کھلاڑی میچ کے دوران دھاڑے مار مار کر روتے رہے، کبڈی کے انٹرنیشنل پلیئر عرفان عرف ماکھا جٹ نواحی گاؤں 110 دس آر کا رہائشی تھا۔
پاکستان کبڈی فیڈریشن کے صدر شافع حسین اور سیکرٹری محمد سرور رانا کی جانب سے اس واقعے پر افسوس کا اظہار کیا گیا ہے۔
سیکرٹری فیڈریشن محمد سرور نے کہا کہ افسوسناک واقعہ ہمارے علم میں آیا ہے، دعا ہے کہ اللہ تعالیٰ اہل خانہ کو صبر عطا فرمائے، میدان میں انتقال پر بہت افسوس ہوا ہے۔
