وینکوور: (دنیا نیوز) پاکستان کے اشعب عرفان نے کیریئر کا پہلا پی ایس اے ورلڈ ٹور ٹائٹل جیت لیا۔
پاکستانی سکواش پلیئر وینکوور مینز اوپن سکواش کے فائنل میں سرخرو ہوئے،31,250 ڈالرز انعامی رقم والے ایونٹ کے فائنل میں اشعب عرفان نے انگلینڈ کے سیم ٹوڈ کو شکست دی۔
سیڈ نمبر 4 اشعب عرفان نے سیم ٹوڈ کے خلاف تین، صفر سے کامیابی حاصل کی، پاکستانی پلیئر نے 43 منٹ جاری میچ گیارہ ۔ نو، گیارہ ۔ ایک اور گیارہ ۔ پانچ سے جیتا۔
یاد رہے کہ گزشتہ روز سیمی فائنل میں اشعب عرفان نے سیکنڈ سیڈ انگلینڈ کے ایڈریان والر کو شکست دے کر فائنل تک رسائی حاصل کی تھی۔
