دبئ: (ویب ڈیسک) شہری بیمار ہیں یا تندرست، متحدہ عرب امارات میں کسی بھی مرض کی ابتدائی اسٹیج پر نشاندہی کیلئے اب دبئی میں خاص قسم کےاسکینرز لگائے جائیں گے۔
ذرائع کے مطابق دبئی میں ہیلتھ کمپنی کے تیار کردہ ہیلتھ پوڈز یا خصوصی اسکینرز کے ذریعے شہریوں کا ڈیٹا جمع کر کے ہسپتالوں تک پہنچائیں گے۔ ابتداء میں یہ پوڈز تجرباتیبنیادوںپر شہر کے شاپنگ مالز، فٹنس جم اور سپر مارکیٹوں میں لگائے جائیں گے۔
یہ خاص اسکینر شہریوں میں کسی بھی بیماری کا ابتدائی اسٹیج پر پتا چلانے میں کارآمد ہوں گے، جبکہ ان اسکینر سے جمع کیا گیا ڈیٹا ہسپتالوں میں بھیجا جائے گا۔ جہاں طبی ماہرین ان کی مانیٹرنگ کریں گے۔
ان جدید اسکینرز کی خصوصیت یہ ہے کہ شہریوں کو ہسپتالوں کے پیچیدہ مراحل سے گزرے بغیر ہی بیماریوں سے آگاہی اور نجات پانے میں مدد ملے گی۔
