ہری پور: (دنیا نیوز) ٹیکنالوجی انسٹیٹیوٹ کا افتتاح وزیراعظم نے کیا۔ انسٹیٹیوٹ میں مصنوعی ذہانت، انجینئرنگ اور غذائی ٹیکنالوجی سے متعلق خصوصی کورس کرائے جائیں گے۔
چین پاکستان اقتصادی راہداری اتھارٹی کے چیئرمین لیفٹیننٹ جنرل ریٹائرڈ عاصم سلیم باجوہ نے آج ایک ٹویٹ میں کہا کہ یہ منصوبہ سائنس و ٹیکنالوجی کے جدید تعلیمی ڈھانچے، وسیع صنعتی معلومات پر مبنی معیشت کی سوچ کا مظہر ہوگا۔
Monumental:Pak- Austria-Fachhochschule Institute of Applied Sciences & technology in Haripur to be inaugurated by @ImranKhanPTI today.Reflects vision of state of the art Science&tech education infrastructure/broad based industrial/knowledge based economy. #PakistanMovingForward
— Asim Saleem Bajwa (@AsimSBajwa) September 17, 2020
تقریب سے خطاب میں وزیراعظم عمران خان نے کہا کہ حکومت ملک میں سائنس اور ٹیکنالوجی کو فروغ دینے کےلئے پرعزم ہے۔ ہم تعلیم ،سائنس اور علم پر مبنی معیشت پر توجہ مرکوز کرتے ہوئے درست سمت میں بڑھ رہ رہے ہیں۔
انہوں نے اس اعتماد کا اظہار کیا کہ یہ انسٹیٹیوٹ ملک میں سائنس اور ٹیکنالوجی کی ترقی میں ایک اہم قدم ثابت ہوگا۔ حکومت ملک میں ٹیکنالوجی کی ترقی کےلئے چین کی پانچ اور آسٹریا کی تین جامعات کےساتھ تعاون کررہی ہے۔
