اسلام آباد: (دنیا نیوز) پاکستان ٹیلی کمیونیکیشن اتھارٹی ( پی ٹی اے) کی رپورٹ کے مطابق اگست 2020ء کے اختتام پر ملک میں تھری اور فور جی صارفین کی تعداد 84.8 ملین تک پہنچ گئی ہے۔
رپورٹ میں کہا گیا ہے کہ جولائی 2020ء کے خاتمہ پر صارفین کی تعداد 82.76 ملین ریکارڈ کی گئی تھی۔ اس طرح جولائی 2020ء کے مقابلہ میں اگست 2020ء کے دوران پاکستان میں تھری اور فور جی صارفین کی تعداد میں 2.05 ملین کا نمایاں اضافہ ہوا ہے۔
جولائی 2020ء کے مقابلہ میں اگست 2020ء کے دوران موبائل فون صارفین کی تعداد میں 0.95 ملین کا اضافہ ہوا اور صارفین کی تعداد جولائی 2020ء کے اختتام پر 168.04 ملین تھی جو اگست 2020ء کے اختتام پر 168.97 ملین تک بڑھ گئی ہے۔
پی ٹی اے کے مطابق جولائی 2020ء میں نیکسٹ جنریشن موبائل سروس (این جی ایم ایس) کی شرح 39.25 فیصد ریکارڈ کی گئی تھی جبکہ اگست 2020ء کے اختتام پر این جیایم ایس کی شرح 40.95 فیصد تک بڑھ گئی ہے۔
