ہنوئی: (روزنامہ دنیا) تعمیراتی کام کے دوران مزدوروں کو ڈگر مشین کے ذریعہ ملبہ اُٹھاتے ہوئے آپ نے اکثر دیکھا ہو گا لیکن ویتنام میں 6سالہ بچہ نہ صرف ہیوی ڈیوٹی ڈگر کو آسانی سے ڈرائیو کر لیتا ہے بلکہ اس کے پیچیدہ نظام کے ذریعے بھاری ملبہ اٹھانے کا کام بھی ماہر مشین آپریٹر کی طرح انجام دیتا ہے۔
ویتنام کے شہر ہنوئی میں ننھے میاں کو کسی ماہر مزدور کی طرح ڈگر مشین چلاتا دیکھ کر جہاں کچھ لوگ حیران رہ گئے وہیں کئی نے بچے کے والد کو اس لاپرواہی پر تنقید کانشانہ بھی بنایا جبکہ ننھے میاں کی ویڈیو سوشل میڈیا پر بے حد مقبول ہو رہی ہے جسے اب تک لاکھوں افراد دیکھ چکے ہیں۔
سوشل میڈیا پر وائر ل ہونے والی ویڈیو میں صاف نظر آ رہا ہے کہ کسطرح اس نے کسی ماہر ڈرائیور کی طرح ملبہ اُٹھانے کا کام سر انجام دیا حالانکہ اس کام کیلئے کئی مہینوں کی ٹریننگ درکار ہوتی ہے۔
