روم: (روزنامہ دنیا) اٹلی میں ریسکیو اہلکاروں نے پہاڑ پر پھنسی گائے کو ہیلی کاپٹر کی مدد سے بحفاظت ریسکیو کر لیا۔ واقعے میں گائے معمولی زخمی ہوئی جسے ویٹرنری ڈاکٹر نے مرہم پٹی کر کے مالک کے حوالے کر دیا۔
میڈیا رپورٹس کے مطابق اٹلی کے جزیرے سارڈینیا میں پہاڑ پر پھنسی گائے کو ریسکیو اہلکاروں نے ہیلی کاپٹر کی مدد سے کئی فٹ بلند پہاڑ سے ریسکیو کر کے مرنے سے بچا لیا۔
مقامی لوگوں کا کہنا ہے کہ گائے اپنے شکار سے بچنے کی خاطر پہاڑ پر چڑھ گئی اور اترنے کا راستہ بھول گئی تاہم علاقہ مکینوں نے بروقت ریسکیو اہلکاروں کو بلایا جنہوں نے ہیلی کاپٹرکا استعمال کیا اور گائے کو ریسکیو کر کے اس کی جان بچا لی، اس واقعہ میں گائے معمولی زخمی ہوئی تاہم ویٹرنری ڈاکٹر نے مرہم پٹی کر کے مالک کے حوالے کر دیا۔
