بنکاک: (روزنامہ دنیا) تھائی لینڈ میں بھینسوں کے سالانہ مقابلہ حسن کا انعقاد کیا گیا، شمال مشرقی تھائی لینڈ میں گھوسٹ فیسٹیول کے موقع پر اس مقابلہ حسن میں سینکڑوں بھینسوں نے حصہ لیا۔
میڈیا رپورٹ کے مطابق سجی سنوری بھینسوں کو دیکھنے کیلئے بڑی تعداد میں شائقین موجود تھے۔ جیتنے والی بھینس کے مالک کو فارمنگ مصنوعات انعام میں دی گئیں۔
فیسٹیول میں شریک سجی سنوری بھینسوں کی تصاویر اور سوشل میڈیا پر وائرل ہو گئیں جو صارفین کی بھرپور توجہ حاصل کرنے میں کامیاب رہیں۔ صارفین نے اپنے دلچسپ تبصروں سے بھینسوں کی تعریف کے پل باندھے۔
