برازیلیا: (روزنامہ دنیا) برازیل میں مگرمچھ جیسے 23 کروڑ سال پرانے ڈائنوسار کی باقیات برآمد ہوئی ہیں جو سیمولیٹر کی مدد سے تیار کی گئی جس کے بعد تصویر میں ایک خوفناک جانور دکھائی دے رہا ہے۔
میڈیا رپورٹ کے مطابق یہ جانور اپنی چاروں ٹانگوں کی مدد سے چل سکتا ہے اور صرف اپنے پچھلے پیروں کو استعمال کر کے دوڑ بھی سکتا ہے۔ محققین نے اس نو دریافت شدہ ڈائنو سار کو ڈائنامو سوکس کولیسنسز کا نام دیا ہے جس کی دم بہت لمبی، جبڑے بڑے اور طاقت ور تھے۔
اس ڈائنو سار کے منہ میں گوشت کھانے اور دوسرے جانوروں کو چیڑ پھاڑ کر مار دینے کیلئے تیز دھار دانت بھی موجود تھے۔ ڈائنو سار کی یہ قسم بہت خونخوار تھی، مضبوط جسامت ہونے کے باوجود دیگر ڈائنو سار کی طرح یہ بھی ناپید ہو گیا۔
