نیویارک: (روزنامہ دنیا) امریکا میں کرونا وائرس پھیلنے کے خطرے کے پیش نظر حکومت نے تمام بڑے شہروں کو لاک ڈاؤن کردیا جس کا پینگوئن نے بھرپور فائدہ اٹھایا۔
میڈیا رپورٹ کے مطابق امریکا کے شہر شکاگو میں واقع شیڈ ایکوریم کو کرونا وائرس کے پیش نظر بند کیا گیا، یہاں روزانہ سینکڑوں کی تعداد میں شہری تفریح کی غرض سے آتے تھے۔
شیڈ ایکوریم نے گزشتہ روز سوشل میڈیا پر ایک ویڈیو جاری کی جس میں پینگوئن مچھلیوں کو دیکھنے کیلئے وہاں موجود ہے۔ ویڈیو کیساتھ پیغام میں کہا گیا ہے کہ پینگوئن سیر کیلئے ایکوریم آیا اور مچھلیوں کو دیکھا۔
