نئی دہلی:(روزنامہ دنیا) بھارتی فضا میں دیکھی گئی پُراسرار شے کی پرواز کو شہری اڑن طشتری قرار دے رہے ہیں۔
میڈیا رپورٹ کے مطابق بھارتی ریاست گجرات میں لوگوں نے ممکنہ غیرشناخت شدہ شے (یو ایف او) کی پرواز کیمرے کی آنکھ میں قید کرلی اور ویڈیو سوشل میڈیا پر وائرل ہو گئی۔ رپورٹ میں بتایا گیا کہ گجرات کی فضا میں کوئی نامعلوم چیز پرواز کرتی نظر آئی جس میں سے نارنجی شعائیں نکل رہی تھیں جو دیکھتے ہی دیکھتے مدھم ہوکر ختم ہو گئیں۔
UFOs again in #Rajkot? Even few months back these types of lights were seen in many cities of #Gujarat pic.twitter.com/v5GokrUpVC
— Divyesh Trivedi (@DivyeshTrivedi_) June 21, 2021
ماہرین نے شہریوں کے اڑن طشتری کے خیال کو مسترد کرتے ہوئے کہا ہے کہ یہ کوئی سیٹلائٹ ہوسکتا ہے جو زمین کے سب سے نچلے مدار سے گزر رہا ہے ۔ تاہم حتمی طور پر نہیں کہا جاسکتا کہ وہ شے کیا تھی۔ویڈیو دیکھ کر ایسا گمان ہورہا ہے کہ کوئی دو ’یو ایف او‘ پرواز کررہے ہیں لیکن اس کی حقیقت کیا ہے فی الحال کوئی نہیں جانتا بعض لوگوں کا کہنا ہے کہ انہوں نے اس سے قبل بھی فضا میں ایسی شے دیکھی ہے ۔
