کرنج : (ویب ڈیسک) امریکہ کی خاتون اول میلانیا ٹرمپ کا آبائی قصبے سے کانسی کا مجسمہ چوری کر لیا گیا۔
یورپی ملک سلووینیا میں پولیس نے امریکہ کی خاتون اول میلانیا ٹرمپ کے کانسی کے مجسمے کے غائب ہونے کی تحقیقات شروع کر دی ہیں۔
قدرتی سائز کا یہ مجسمہ 2020ء میں صدر ڈونلڈ ٹرمپ کے پہلے دور حکومت میں وسطی سلووینیا کے علاقے سیونیکا کے قریب نصب کیا گیا تھا جہاں 1970 میں میلانیا کناؤس پیدا ہوئی تھیں۔
یہ مجسمہ اس لکڑی کے مجسمے کی جگہ نصب کیا گیا تھا جسے اسی سال پہلے نذر آتش کر دیا گیا تھا۔
پولیس ترجمان النکا ڈرینیک رانجوس نے بتایا کہ مجسمے کی چوری کی اطلاع ملی ہے، پولیس چوری کے ذمہ دار افراد کو تلاش کر رہی ہے۔
