شنگھائی: (ویب ڈیسک) چین میں خاتون ایئرپورٹ پر میک اپ کی وجہ سے مشکل میں پڑ گئی۔
شنگھائی ایئرپورٹ پر چینی خاتون اپنا میک اپ صاف کرتی دکھائی دی کیونکہ چہرے کی شناخت کے دوران مشین انہیں پہچان نہیں سکی۔
خاتون کی دوست نے کہا کہ اس وقت تک سب کچھ مٹا دو جب تک کہ آپ اپنے پاسپورٹ کی تصویر کی طرح نظر نہ آؤ۔
واضح رہے کہ فیس ریکگنیشن سسٹمز میں الگوردمز ہوتے ہیں، جو آنکھوں، ناک، جبڑے اور جلد کی رنگت جیسی چیزوں سے چہرے کو پہچانتے ہیں، جب کوئی بہت زیادہ میک اپ کرتا ہے تو یہ خصوصیات بدل جاتی ہیں اور نتیجہ، مشین اسے نئی یا مختلف شخصیت سمجھتی ہے۔
خاتون کی ویڈیو سوشل میڈیا پر وائرل ہو رہی ہے اور صارفین اس پر تبصرے بھی کر رہے ہیں۔
کچھ سوشل میڈیا صارفین خاتون کے دفاع میں آئے اور کہا کہ کیا چہرے کی شناخت کرنے والے سکینر ابھی پرانے ہوگئے ہیں۔
صارفین نے خاتون کی دوست کو بھی کہا کہ وہ پہلے سے ہی اپنا میک اپ صاف کر رہی تھی اور کافی شرمندہ ہو رہی تھی، تمہیں کچھ بولنے کیلئے آگے بڑھنے کی ضرورت نہیں تھی۔
