اڈیشہ: (ویب ڈیسک) سوشل میڈیا پر وائرل ہونے کے شوق میں ایک کم عمر لڑکے نے ریلوے ٹریک پر ایسا خطرناک سٹنٹ کیا جس سے دیکھنے والوں کے دل دہل گئے۔
بھارتی میڈیا کے مطابق یہ خطرناک سٹنٹ بھارت کی ریاست اڈیشہ میں ایک ریلوے ٹریک پر کیا گیا جہاں ایک نوعمر لڑکا ٹرین کی آمد سے قبل ریلوے ٹریک کے درمیان لکڑیوں کے پٹھوں کے ساتھ لیٹ گیا اور کچھ دیر میں تیز رفتار ٹرین اس کے اوپر سے گزر گئی، اس سارے سٹنٹ کی اس کے دوست نے ویڈیو بھی بنائی۔
ویڈیو مقامی سوشل میڈیا پر وائرل ہونے کے بعد پولیس بھی حرکت میں آئی اور دونوں بچوں کے والدین کو تھانے طلب کر کے انہیں بچوں کو ایسی حرکتوں سے باز رکھنے کی تنبیہ کی۔
پولیس نے عوام سے بھی اپیل کی ہے کہ وہ سوشل میڈیا پر مقبولیت حاصل کرنے کیلئے ایسے سٹنٹ نہ کریں کہ جس میں ان کی جان جانے کا خطرہ ہو۔
