نئی دہلی: (ویب ڈیسک) بھارتی ریاست مہاراشٹرا کے شہر مالے گاؤں سے ووٹر آئی ڈی پر مشہور مارول ولن تھانوس کی تصویر موجود ہونے کی ویڈیو سوشل میڈیا پر وائرل ہوگئی۔
ووٹر لسٹ میں تھانوس کی تصویر کی موجودگی پر صارفین میمز بنانے لگے، ساتھ ہی ساتھ ووٹر لسٹ میں غلطیوں پر بھی انگلیاں اٹھنے لگیں۔
ووٹر آئی ڈی میں مبینہ طور پر غلط نام، عمر اور نامکمل پتا لکھا ہوا دکھایا گیا جس کے بعد سوالات اٹھنے لگے کہ سرکاری انتخابی فہرست میں ایسی غیر معمولی غلطیاں کیسے ہوگئیں۔
— TRT World (@trtworld) August 30, 2025
مالے گاؤں کے سابق ایم ایل اے آصف شیخ نے الزام عائد کیا ہے کہ ان کے حلقے میں 6 ہزار سے زائد ووٹرز بغیر پتے کے رجسٹرڈ ہیں، 3 ہزار 502 شناختی کارڈز پر جعلی تصاویر موجود ہیں جبکہ 11 ہزار سے زائد ڈپلیکیٹ ووٹ بھی پکڑے گئے ہیں۔
