رومانیہ: (دنیا نیوز) رومانیہ نے بھی روسی سفارت کار کو ملک سے نکل جانے کا حکم دے دیا۔
رومانیہ کی وزارتِ خارجہ نے کہا کہ روسی ڈپلومیٹ کو غیر پسندیدہ شخص قرار دے کر ملک سے نکل جانے کا حکم دیا گیا۔ یہ عمل جمہوریہ چیک کے ساتھ اظہارِ یکجہتی کے لیے کیاگیا ہے۔
روس نے جمہوریہ چیک کے 20 سفارت کاروں کو نکال دیا تھا۔ اس سے پہلے جمہوریہ چیک نے بھی روس کے 18 سفارت کاروں کو ملک سے نکل جانے کا حکم دیا تھا ، سفارت کاروں کو نکالنے کا سلسلہ روس پر امریکی پابندیاں لگائے جانے کے بعد شروع ہو اتھا۔
