واشنگٹن: (دنیا نیوز) ترجمان وائٹ ہاؤس کیرولین لیوٹ نے کہا ہے کہ امریکی صدر 2 اپریل کو ٹیرف کا اعلان کریں گے، روز گارڈن میں اہم پریس کانفرنس ہو گی جس میں کابینہ کے ارکان بھی شریک ہوں گے۔
کیرولین لیوٹ نے کہا ہے کہ بدھ امریکا میں آزادی کا دن ہو گا، ٹیرف پلان ملک کو نقصان پہنچانے والے غیر منصفانہ تجارتی طریقوں کو ختم کر دے گا، امریکی صدر متبادل ٹیرف کا اعلان کر سکتے ہیں۔
ترجمان وائٹ ہاؤس نے مزید کہا ہے کہ دوسرے ممالک کے بلند ٹیرف امریکیوں کیلئےغیر منصفانہ ہیں، امریکا کو بھی اسی حساب سے ٹیرف وصول کرنا چاہیے۔
