ساتنو ڈومنگو:(دنیا نیوز) جمہوریہ ڈومینیکن کے دارالحکومت سانتو ڈومنگو میں نائٹ کلب کی چھت گر گئی، 79 افراد ہلاک جبکہ 160 زخمی ہوگئے۔
ملبے تلے دبے اور ممکنہ طور پر بچنے والوں کی تلاش جاری ہے، حکام کے مطابق ملبے تلے اب بھی کافی افراد زندہ ہیں، آخری شخص کی تلاش تک آپریشن جاری رہے گا۔
واقعہ کی اطلاع پر فوری طور پر امدادی ٹیمیں بھی موقع پر پہنچ گئیں، زخمیوں کو ہسپتال منتقل کر دیا گیا، متعدد کی حالت تشویشناک بتائی گئی ہے۔
صدر لوئس ابینادر نے کہا ہے کہ اس حادثے کے ہلاک شدگان میں شمالی صوبہ مونٹے کرسٹی کی گورنر نیلسی کروز بھی شامل ہیں، انہوں نے ایکس پر لکھا ہم اس المناک واقعہ پر گہرے دکھ کا اظہار کرتے ہیں، انہوں نے مزید کہا کہ حکام متاثرین کو نکالنے کے لیے انتھک محنت کر رہے ہیں، ہماری دعائیں متاثرہ خاندانوں کے ساتھ ہیں۔
