اسلام آباد: (دنیا نیوز) بھارت کے حالیہ ’پریلے میزائل‘ تجربات سے خطے میں کشیدگی بڑھنے کا خدشہ پیدا ہو گیا۔
سکیورٹی ذرائع کے مطابق بھارت نے 28 اور 29 جولائی کو ’پریلے میزائل‘ کے تجربات کیے جو اڑیسہ کے ساحل ڈاکٹر اے پی جے عبدالکلام جزیرے پر کیے گئے۔
سکیورٹی ذرائع کے مطابق تجربات ہتھیاروں کی دوڑ اور جنگ کی راہ ہموار کرنے کی سازش ہیں اور ’پریلے میزائل‘ کے تجربات سے خطے میں کشیدگی بڑھنے کا امکان ہے۔
بھارتی دھمکیوں اور جنگی جنونیت کا جواب پاکستان کا جدید نصر (حتف-9) میزائل ہے اور نصر میزائل بھارتی سازشوں کو ناکام بنانے کی قوت رکھتا ہے۔
سکیورٹی ذرائع نے مزید کہا ہے کہ نصر میزائل جوہری وارہیڈ لے جانے کی صلاحیت رکھتا ہے اور اس میزائل کی خصوصیات اسے دشمن کی پہلی ضرب کے خلاف مؤثر بناتی ہیں۔
