تل ابیب: (ویب ڈیسک) اسرائیلی فوج کے چیف آف سٹاف ایال زمیر نے غزہ پر نئے حملے کے منصوبے کے ’بنیادی تصور‘ کی منظوری دے دی۔
برطانوی روزنامہ نے رپورٹ کیا ہے کہ اسرائیلی فوج نے کہا ہے کہ چیف آف سٹاف ایال زمیر نے غزہ پٹی میں حملے کے منصوبے کے "بنیادی تصور" کی منظوری دے دی ہے تاہم اس منصوبے کی مزید تفصیلات ابھی سامنے نہیں آئیں۔
خبر رساں ادارے کے مطابق اسرائیل نے کہا ہے کہ وہ ایک نیا حملہ شروع کرے گا اور غزہ شہر کا کنٹرول سنبھالے گا جس پر اس نے اکتوبر 2023 میں جنگ شروع ہونے کے فوراً بعد قبضہ کر لیا تھا اور پھر وہاں سے نکل گیا تھا۔
اسرائیلی فوج کے ایک ترجمان نے بتایا کہ اسرائیل کی فوج نے غزہ کی پٹی میں ایک وسیع آپریشن کے منصوبوں کی منظوری دے دی ہے، غزہ کی پٹی میں اسرائیلی فوج کے آپریشنل منصوبے کا مرکزی "فریم ورک" چیف آف جنرل سٹاف ایال زمیر نے منظور کر لیا ہے۔
ترجمان نے مزید کہا کہ سیاسی قیادت کی ہدایت کے مطابق غزہ کی پٹی میں اگلے مراحل کے منصوبے کا مرکزی تصور پیش کیا گیا اور اس کی منظوری دی گئی ہے۔
.jpg)
