واشنگٹن: (ویب ڈیسک) ڈیموکریٹ رہنما ہیلری کلنٹن نے یوکرین جنگ ختم کرانے پر ٹرمپ کو نوبیل امن انعام کیلئے نامزد کرنے کا اعلان کر دیا۔
سابق امریکی وزیر خارجہ اور ڈیموکریٹ رہنما ہلیری کلنٹن نے سوشل میڈیا پلیٹ فارم ایکس پر لکھا کہ یوکرین جنگ کا پرامن اختتام ایک تاریخی اقدام ہوگا، ٹرمپ اس تنازع کو ایک خون کی ہولی قرار دیتے ہیں، جو مسلسل بڑھتے ہوئے خطرات سے بھرا ہوا ہے۔
ہلیری کلنٹن نے کہا ہے کہ صدر ٹرمپ اس 3 سال 6 ماہ سے جاری جنگ میں جنگ بندی کے لئے دباؤ ڈال رہے ہیں، جو ان کی عالمی امن ساز کے طور پر ساکھ کو مضبوط کر سکتا ہے اور اس عمل میں یوکرین کا کوئی علاقہ نہ دیا جائے۔
سابق امریکی وزیر خارجہ نے اپنے پیغام میں لکھاکہ اگر صدر ڈونالڈ ٹرمپ یوکرین پر روسی صدر ولادیمیر پوٹن کی جنگ ختم کرانے میں کامیاب ہوگئے تو وہ خود ٹرمپ کو نوبل امن انعام کے لیے نامزد کریں گی۔
