لندن: (دنیا نیوز) برطانوی وزیراعظم سر کیئر اسٹارمر نے مسلم کمیونٹی اور مساجد کو نفرت انگیز حملوں سے بچانے کے لیے 10 ملین پاؤنڈ کی اضافی فنڈنگ کا اعلان کردیا۔
برطانوی وزیر اعظم سر کیئر اسٹارمر نے وزیر داخلہ شبانہ محمود کے ساتھ مشرقی سسیکس کی مسجد کا دورہ کیا۔
برطانوی وزیر اعظم نے مسلم کمیونٹی اور مساجد کو نفرت انگیز حملوں سے بچانے کے لیے 10 ملین پاؤنڈ کی اضافی فنڈنگ کا اعلان کرتے ہوئے کہا کہ اس فنڈنگ سے مسلم کمیونٹی کو تحفظ کا احساس ملے گا۔
انہوں نے کہا کہ برطانیہ کو اپنی رواداری پر فخر ہے، کسی بھی کمیونٹی پر حملے پوری قوم اور ہمارے رواداری پر حملے ہیں۔
دوسری جانب وزیرداخلہ شبانہ محمود نے کہا کہ مسجد پر حملہ خوفناک جرم ہے جس کے تباہ کن نتائج نکل سکتے تھے۔
