بیجنگ: (ویب ڈیسک) چینی وزیر اعظم نے آئندہ جی 20سربراہی اجلاس میں جاپانی ہم منصب سے ملاقات نہ کرنے کا فیصلہ کرلیا۔
عالمی میڈیا کی رپورٹ کے مطابق چینی وزارتِ خارجہ نے تصدیق کی ہے کہ وزیرِاعظم لی چِیانگ آئندہ ہونے والے جی 20سربراہ اجلاس کے دوران جاپانی ہم منصب سانائے تاکائیچی سے ملاقات نہیں کریں گے۔
میڈیا رپورٹ میں بتایا گیا ہے کہ ترجمان ماؤ نِنگ نے کہا کہ جاپان کی جانب سے چین سے بات چیت کی خواہش کے بار بار اظہار کے باوجود وزیرِاعظم لی کی جاپانی رہنما سے ملاقات کی کوئی منصوبہ بندی نہیں ہے۔
انہوں نے جاپانی حکومت پر زور دیا کہ اس معاملے میں محتاط رویہ اختیار کریں۔
