کراچی: (دنیا نیوز) روپے کی قدر بحال ہونے لگی، انٹربینک میں ڈالر کی قیمت میں معمولی کمی ریکارڈ کی گئی۔
کاروباری ہفتے کے پہلے روز انٹربینک میں امریکی کرنسی میں 11 پیسے کمی ہوئی جس کے بعد انٹربینک میں ڈالر 284 روپے 97 پیسے کا ہوگیا ہے جبکہ اوپن مارکیٹ میں ایک روپیہ کمی کے ساتھ امریکی ڈالر 293 روپے میں فروخت ہورہاہے۔
— SBP (@StateBank_Pak) May 15, 2023
یاد رہے کہ گزشتہ کاروباری ہفتے کے آخری روز انٹربینک میں ڈالر 285 روپے 8 پیسے پر بند ہوا تھا۔
واضح رہے کہ گزشتہ کاروباری ہفتے کے اختتام پر غیر یقینی سیاسی صورتحال کے باعث ملک میں بڑھنے والی امریکی ڈالر کی قیمت میں حیران کن حد تک بڑی کمی ریکارڈ کی گئی تھی۔