بلوچستان کے مختلف علاقوں میں آج اور کل بجلی بند ہونے کا شیڈول جاری

کوئٹہ: (دنیا نیوز) کوئٹہ الیکٹرک سپلائی کمپنی (کیسکو) نے بلوچستان کے مختلف علاقوں میں آج اور کل بجلی بند ہونے کا شیڈول جاری کر دیا۔

کیسکو کی جانب سے جاری اعلامیے میں بتایا گیا کہ ترقیاتی کاموں کے سلسلے میں آج اور کل مختلف علاقوں میں بجلی لائنز اور کھمبے کی تنصیب کے باعث سپلائی معطل رہے گی۔

اعلامیے میں کہا گیا کہ ایئرپورٹ روڈ، عمر اور چشمہ فیڈرز پر صبح 10 سے دوپہر 2 بجے تک بجلی بند رہے گی، ویسٹرن بائی پاس، داریم، جبل نور، تکاتو اور خروٹ آباد فیڈرز پر 4 گھنٹے کیلئے بجلی معطل رہے گی، چاغی، دالبندین گرڈ سٹیشنز سے صبح 10 سے دن 11 بجے تک بجلی بند رہے گی، نیو جان محمد، اولڈ جان محمد اور سریاب ون فیڈرز سے صبح 10 سے دوپہر 2 بجے تک سپلائی معطل رہے گی۔

کیسکو کے مطابق سریاب ٹو، جڑسا، بائے ون سٹی، واسا، اولڈ لیاقت بازار، خیر بخش مری، سمنگلی ایکسپریس، اولڈ سیٹلائٹ ٹاؤن، انڈسٹریل اور منی مارکیٹ فیڈرز سے بجلی بند رہے گی۔

اعلامیے میں مزید کہا گیا کہ ہرنائی اور شاہرگ گرڈ سٹیشن سے بھی صبح 8 بجے سے شام 4 بجے تک بجلی معطل رہے گی۔

کیسکو نے متعلقہ صارفین سے بجلی بندش پر زحمت کیلئے پیشگی معذرت اور تعاون کی اپیل کی ہے۔