اسلام آباد: (دنیا نیوز) حکومت نے ایل پی جی کی قیمتوں میں کمی کا نوٹیفکیشن جاری کر دیا۔
اوگرا ذرائع کے مطابق ایل پی جی صارفین کے لیے قیمت میں فی کلو گرام ایک روپے 17 پیسے کمی کردی گئی جس سے 11.8 کلو سلنڈر کی قیمت میں 13 روپے 89 پیسے کمی ہوئی ہے۔
ایل پی جی کے 11.8 کلو گرام سلنڈر کی قیمت 25 سو 27 روپے مقرر کردی گئی جس کا باقاعدہ نوٹیفکیشن جاری کردیا گیا۔
یاد رہے کہ نوٹیفکیشن کے مطابق ایل پی جی کی فی کلو کی قیمت 214 روپے 19 پیسے مقرر ہو گئی جبکہ نئی قیمتوں کا اطلاق یکم ستمبر سے ہو گا۔
