لاہور (دنیا نیوز ) کوچ اور کپتان کے درمیان اختلاف کھل کر سامنے آ گئے، بارہ رکنی سکواڈ میں وہاب ریاض کی جگہ شاداب خان تھے تو آج میر حمزہ کیسے آگئے، اس اچانک انٹری نے سب کو آل آؤٹ کر دیا۔
یو اے ای میں آسٹریلیا کے خلاف سیریز میں پاکستان کا کھیل تماشہ بننے لگا، ابوظہبی ٹیسٹ میں وہاب ریاض کی جگہ میر حمزہ کی پلیئنگ الیون پر سوالیہ نشان بن گئی۔
اس سے پہلے کپتان سرفراز بارہ رکنی سکواڈ میں گگلی ماسٹر شاداب خان کو ڈراپ فاسٹ بولر کا متبادل کہہ چکے تھے۔ کھلے اختلافات ابھی کھل کر سامنے آ چکے ہیں ورنہ اسی پریس کانفرنس میں چبھتے سوال پر سرفراز احمد کا سنبھل کر کھیلتے کھیلتے ڈگمگانا بھی سب کچھ بتا گیا تھا۔ وہ کہہ چکے ہیں کہ اگر میں کچھ بول دوں گا تو بات آگے بڑھ جائے گی۔
حریف آسٹریلیا کے خلاف کھل کر کھیلنے کے بجائے ٹیم آفیشلز کا آپس میں میچ کرکٹ دیوانوں کے لیے پریشانی کا باعث ہے۔
