تازہ ترین
  • بریکنگ :- الیکشن کمیشن نے 150 ارکان پارلیمنٹ کی رکنیت معطل کردی
  • بریکنگ :- اسلام آباد: رکنیت گوشوارے جمع نہ کرانے پر معطل کی گئی
  • بریکنگ :- قومی اسمبلی 36،سینیٹ 3،پنجاب اسمبلی کے 69 ارکان کی رکنیت معطل
  • بریکنگ :- سندھ اسمبلی 14،خیبرپختونخوا اسمبلی کے 21 ارکان کی رکنیت معطل
  • بریکنگ :- بلوچستان اسمبلی کے 7 ارکان کی رکنیت بھی معطل کردی گئی
  • بریکنگ :- نورالحق قادری،فرخ حبیب،حماداظہر،شفقت محمودکی رکنیت معطل
  • بریکنگ :- فہمیدہ مرزا،عامرلیاقت،راجہ ریاض،صداقت عباسی،خالدمقبول صدیقی شامل
  • بریکنگ :- رکن پنجاب اسمبلی اویس لغاری کی رکنیت معطل
  • بریکنگ :- الیکشن کمیشن نےیارمحمدرندکی رکنیت معطل کردی
  • بریکنگ :- معطل ارکان اسمبلی وسینیٹ اجلاسوں میں شرکت نہیں کرسکیں گے،الیکشن کمیشن
  • بریکنگ :- معطل ارکان کسی بھی قانون سازی میں شریک نہیں ہوں گے،الیکشن کمیشن

نیشنل ٹی 20کپ،سدرن پنجاب نے رنز کا کوہ ہمالیہ سر کرلیا

Published On 06 October,2021 11:26 pm

لاہور:(ویب ڈیسک)نیشنل ٹی ٹونٹی کپ کے دوران سدرن پنجاب نے رنز کا کوہ ہمالیہ سر کرلیا۔

قذافی سٹیڈیم میں جاری قومی ٹی 20کپ کے دوسرے مرحلے کے دوسرے میچ میں سدرن پنجاب نے ناردرن کی جانب سے دیا گیا 212رنز کا ہدف 6وکٹوں کے نقصان پر 19اعشاریہ 5اوورز میں217رنز بناکر حاصل کرلیا،آغا سلمان ناقابل شکست 68رنز بنا کر سب سے بہترین بیٹسمین رہے جبکہ دیگر میں کپتان عامر یامین نے 41اور خوشدل شاہ نے 24سکور بنائے،سلمان ارشاد اور محمد نواز نے 2،2کھلاڑیوں کو پویلین کی راہ دکھائی۔

ناردرن کی ٹیم نے پہلے کھیلتے ہوئے رنز کا کوہ ہمالیہ کھڑا کردیا اور 5وکٹوں کے نقصان پر 211رنز بنائے،حیدر علی نے 72 رنز کی ناقابل شکست اننگز کھیلی جبکہ عماد وسیم 40 اورمحمد نواز 38 رنز بناکر نمایاں رہے، ضیاء الحق نے دو کھلاڑیوں کو آؤٹ کیا۔

5چھکوں اور 4چوکوں کی بدولت 40گیندوں پر 68رنز بنانے پر آغا سلمان کو میچ کا بہترین کھلاڑی قرار دیا گیا۔

قبل ازیں آج کے دن کھیلے گئے پہلے میچ میں سنٹرل پنجاب کی ٹیم نے سندھ کو 8وکٹوں کی شکست سے دوچار کیا ۔