کراچی: (دنیا نیوز) قومی کرکٹ ٹیم کے سابق وکٹ کیپر بلے باز کامران اکمل نے نجی ٹی وی چینل سے معاہدے کے باعث سلیکٹر کا رول ادا کرنے سے معذرت کرلی۔
سماجی رابطے کی ویب سائٹ ٹوئٹر پر اپنے پیغام میں سابق وکٹ کیپر بلے باز کامران اکمل نے کہا کہ پی سی بی کا سلیکشن کمیٹی میں شامل کرنے پر شکر گزار ہوں۔
— Kamran Akmal (@KamiAkmal23) February 10, 2023
انہوں نے کہا کہ پی ایس ایل کے دوران نجی چینل کے ساتھ مصروفیات کے باعث ابھی یہ عہدہ نہیں لے سکتا، پاکستان کرکٹ بورڈ کو اپنے فیصلے سے آگاہ کر دیا ہے۔
کامران اکمل نے مزید کہا کہ پی ایس ایل کے بعد پی سی بی کو اپنی دستیابی سے متعلق آگاہ کر دوں گا، آئندہ یہ عہدہ انہیں دیا جائے گا یا نہیں اس کا فیصلہ پاکستان کرکٹ بورڈ کرے گا۔
