برمنگھم : ( ویب ڈیسک ) ایشز سیریز کے پہلے ٹیسٹ میچ میں آسٹریلیا نے انگلینڈ کے خلاف 2 وکٹوں سے کامیابی سمیٹ لی۔
برمنگھم میں کھیلے گئے سیریز کے پہلے ٹیسٹ کے آخری روز 281 رنز کے تعاقب میں آسٹریلوی کپتان پیٹ کمنز اور نیتھن لیون نے نویں وکٹ پر 55 رنز کی ناقابل شکست پارٹنرشپ سے اپنی ٹیم کو سیریز میں 0-1 کی برتری دلا دی۔
That winning feeling #Ashes | #WTC25 pic.twitter.com/mqz4BX7BTi
— ICC (@ICC) June 20, 2023
میچ کے آخری روز آسٹریلیا نے 107 رنز 3 کھلاڑی آؤٹ کے ساتھ دوسری اننگز کا دوبارہ آغاز کیا لیکن پانچویں روز کا پہلا سیشن بارش کے باعث ممکن نہ ہو سکا۔
کھیل دوبارہ شروع ہوا تو عثمان خواجہ نے ایک اینڈ پر وکٹ کو سنبھالے رکھا تاہم دوسرے اینڈ سے آسٹریلیا کی وکٹیں گرنے کا سلسلہ جاری رہا، بولینڈ 20، ٹریوس ہیڈ 16، کیمرون گرین 28 رنز بنا کر پویلین لوٹ گئے۔
The rain has stopped at Edgbaston
— ICC (@ICC) June 20, 2023
We’re close to a restart with all results still possible… #Ashes | #WTC25 https://t.co/ZNnKIn9jeq pic.twitter.com/ERguOTi0TV
عثمان خواجہ 65 اور ایلکس کیری 20 رنز بناکر آؤٹ ہوئے ، آسٹریلوی کپتان پیٹ کمنز نے ذمہ دارانہ بیٹنگ کرتے ہوئے نیتھن لیون کے ساتھ مل کر نویں وکٹ کی شراکت میں 55 رنز جوڑ کر اپنی ٹیم کو فتح سے ہمکنار کرایا، کمنز نے 44 جبکہ لیون نے 16 رنز کی ناقابل شکست اننگ کھیلی۔
A partnership that will be remembered for a long, long time #Ashes | #WTC25 pic.twitter.com/P4IlmGpRMr
— ICC (@ICC) June 20, 2023
میزبان ٹیم کی جانب سے سٹورٹ براڈ نے 3، اولی روبنسن نے 2 جبکہ معین علی، جو روٹ اور سٹوکس نے ایک، ایک شکار کیا۔
فاتح ٹیم کے کھلاڑی عثمان خواجہ بہترین کارکردگی پر پلیئر آف دی میچ قرار پائے۔
What a performance. #Ashes pic.twitter.com/cfbQf7hLnH
— cricket.com.au (@cricketcomau) June 20, 2023
خیال رہے کہ اس فتح کے بعد آسٹریلیا کو پانچ ٹیسٹ میچوں پر مشتمل ایشز سیریز میں 0-1 کی برتری حاصل ہوگئی ہے۔
