جمیکا: (ویب ڈیسک) ویسٹ انڈیز کے سابق آل راؤنڈر برنارڈ جولین انتقال کرگئے۔
غیر ملکی میڈیا کے مطابق برنارڈ جولین کا انتقال 75 برس کی عمر میں ہوا تاہم ان کے موت کی وجوہات کے بارے میں تاحال کچھ سامنے نہیں آیا۔
برنارڈ جولین ورلڈکپ 1975 کی فاتح ویسٹ انڈین ٹیم کے رکن تھے جب کہ انہوں نے 24 ٹیسٹ اور 12 ون ڈے میچز میں ویسٹ انڈیز کی نمائندگی کی تھی۔
بائیں ہاتھ سے تیز گیند پھینکنے والے ویسٹ انڈیز کے آل راؤنڈر نے 24 میچوں میں 866 رنز بنائے تھے جبکہ 50 وکٹیں بھی حاصل کیں ، اس کے علاوہ ون ڈے میچز میں انہوں نے 18 وکٹیں حاصل کیں۔
رپورٹ کے مطابق 1982 میں باغی ٹیم کا حصہ بننے پر ویسٹ انڈیز میں برنارڈ جولین پر تاحیات پابندی لگا دی گئی تھی جس سے ان کا کرکٹ کیریئر ختم ہو گیا تھا۔
