کراچی: (دنیا نیوز) اینٹی نارکوٹکس فورس (اے این ایف )نے 6 کارروائیوں کے دوران 49 کلو سے زائد منشیات برآمد کر کے خاتون اور افغان باشندے سمیت 7 ملزمان گرفتار کر لئے۔
ترجمان اے این ایف کے مطابق کارروائیاں اسلام آباد، پشاور، لاہور اور اٹک میں کی گئیں۔
حکام کا کہنا ہے کہ کارروائی کے دوران 39 کلو 600 گرام چرس، 500 گرام آئس، 683 گرام وزنی 90 آئس بھرے کیپسولز، 8.5 کلو گرام وزنی 29400 ڈیازیپام گولیاں برآمد کی گئیں۔
ترجمان اے این ایف کے مطابق ملزمان کیخلاف انسداد منشیات ایکٹ 1997 کے تحت مقدمات درج کر لئے گئے۔
