کراچی: (دنیا نیوز) اینٹی نارکوٹکس فورس (اے این ایف) نے 4 مختلف کارروائیوں کے دوران 36 کلو سے زائد منشیات برآمد کر کے 4 ملزمان گرفتار کر لئے۔
ترجمان اے این ایف کے مطابق کارروائیاں پشاور، اٹک، سکھر اور نوشہرہ میں کی گئیں۔
حکام کا کہنا ہے کہ کارروائی کے دوران 26 کلو 400 گرام چرس، 7 کلوگرام آئس، 3 کلو وزنی 4000 ایکسٹیسی گولیاں برآمد کی گئیں، گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے۔
ترجمان کے مطابق گرفتار ملزمان کے خلاف انسداد منشیات ایکٹ 1997 کے تحت مقدمات درج کر لئے گئے ہیں۔
