راولپنڈی: (دنیا نیوز) راولپنڈی کے علاقے دھمیال میں رات گئے مبینہ پولیس مقابلے میں انتہائی مطلوب ملزم مارا گیا جبکہ اس کا ساتھی فرار ہوگیا۔
پولیس حکام کے مطابق ہلاک ملزم ڈکیتی، قتل، گاڑی چوری کے مقدمات میں ملوث اور پولیس کو مطلوب تھا۔
حکام کا کہنا ہے کہ پولیس نے جرائم پیشہ افراد کی موجودگی کی اطلاع پر چھاپہ مارا تو ملزمان نے فائرنگ کر دی جس کے نتجے میں ملزم مارا گیا۔
پولیس حکام کے مطابق ملزم کو کل برآمدگی کیلئے لے جاتے ہوئے اس کے ساتھیوں نے حراست سے فرار کرایا تھا۔
