منڈی بہاؤالدین: (دنیا نیوز) تھانہ میانہ گوندل اور پاہڑیانوالی میں 2 مبینہ پولیس مقابلوں میں درجنوں مقدمات میں مطلوب ایک ملزم ہلاک اور دوسرے کو زخمی حالت میں گرفتار کر لیا گیا۔
پاہڑیانوالی ناکہ پر ملزمان نے پولیس پر فائرنگ کر دی، مبینہ پولیس مقابلے میں ملزم اورنگزیب عرف رنگو ہلاک ہو گیا، رنگو 28 سنگین مقدمات میں پولیس کو مطلوب تھا۔
پنڈی راواں میں بھی ملزمان نے مبینہ طور پر پولیس پر سیدھی فائرنگ کر دی، پولیس کی جوابی کارروائی میں ایک ڈاکو کو زخمی حالت میں گرفتار کر لیا گیا، زخمی ملزم خضر حیات 19 سنگین مقدمات میں ریکارڈ یافتہ تھا۔
پولیس منڈی بہاؤالدین کا کہنا ہے کہ واقعات میں بچ نکلنے والے دیگر ملزمان کی تلاش کا عمل جاری ہے۔
