کراچی: (دنیا نیوز) بلدیہ 5 نمبر کے علاقے سوات کالونی میں شادی کی تقریب میں فائرنگ کا واقعہ پیش آیا۔
شادی میں آئے مہمانوں اور ملزم کے درمیان تلخ کلامی ہوئی، معمولی تلخ کلامی پر ملزم عامر موسیٰ نے فائرنگ کردی، ملزم کی فائرنگ سے ایک شخص جاں بحق اور بچے سمیت 7 افراد زخمی ہوگئے۔
واقعہ کی اطلاع پر پولیس کی بھاری نفری اور امدادی ٹیمیں بھی موقع پر پہنچ گئیں، جاں بحق ہونے والے شخص کی لاش اور زخمیوں کو فوری طور پر ہسپتال منتقل کر دیا گیا۔
پولیس حکام نے بتایا کہ ملزم کی گاڑی کو تحویل میں لے لیا، ملزم موقع سے فرار ہونے میں کامیاب ہوگیا جس کی گرفتاری کے لئے چھاپہ مار ٹیمیں تشکیل دیدی گئی ہیں، جلد تحویل میں لیکر قانونی کارروائی مکمل کی جائے گی۔
