لاہور: ( ویب ڈیسک ) پاکستان تحریک انصاف (پی ٹی آئی) کے لانگ مارچ میں چیئرمین اور سابق وزیراعظم عمران خان پر قاتلانہ حملے کی شوبز شخصیات کی جانب سے بھی شدید مذمت کی گئی ہے۔
خیال رہے کہ وزیرآباد میں پی ٹی آئی چیئرمین عمران خان کے کنٹینر پر فائرنگ کی گئی جس سے سابق وزیراعظم، سینیٹر فیصل جاوید اور پی ٹی آئی رہنما احمد چٹھہ سمیت دیگر افراد زخمی ہوئے۔
اس واقعہ کے بعد شوبز کی شخصیات نے بھی عمران خان کے کنٹینر پر فائرنگ کے واقعے کو دہشت گردی قرار دیتے ہوئے اس کی شدید مذمت کی اور پی ٹی آئی چیئرمین کو زیادہ نقصان نہ پہنچنے پر شکرانے بھی ادا کیے۔
ارمینہ خان
— Armeena (@ArmeenaRK) November 3, 2022
اداکارہ ارمینہ خان نے واقعے پر حیرانگی کا اظہار کرتے ہوئے اس کی شدید الفاظ میں مذمت کی اور فائرنگ کرنے والے افراد کو بے وقوف بھی قرار دیا۔
ارسلان نصیر
— Arslan Naseer - CBA (@ArslanNaseerCBA) November 3, 2022
اداکار ارسلان نصیر نے واقعے کو عمران خان کو قتل کرنے کی سازش اور کوشش قرار دیتے ہوئے لکھا کہ پی ٹی آئی چیئرمین فائرنگ کے دوران زخمی ہوگئے۔
انہوں نے سابق وزیر اعظم سمیت فائرنگ سے زخمی ہونے والے دیگر افراد کی جلد صحت یابی کے لیے دعا بھی کی۔
اقصیٰ کینجھر جمالی
— Aqsa Kinjhar Leela Jamali (@AqsaLeelaJamali) November 3, 2022
ماڈل و ٹک ٹاکر اقصیٰ کینجھر جمالی نے بھی سابق وزیر اعظم کے کنٹینر پر حملے کی مذمت کرتے ہوئے ان کی صحت یابی کے لیے دعا کی۔
ہارون شاہد
— Haroon Shahid (@Haroon_5hahid) November 3, 2022
ان کی طرح گلوکار ہارون شاہد نے بھی عمران خان کے کنٹینر پر حملے کی مذمت کرتے ہوئے ٹوئٹ کی کہ بہت ہوگیا۔
ساتھ ہی انہوں نے ایک اور ٹوئٹ میں سوال کیا کہ کیا فائرنگ کرنے والے شخص کو گرفتار کرلیا گیا؟
روحیل حیات
— Rohail Hyatt (@rohailhyatt) November 3, 2022
موسیقار روحیل حیات نے بھی عمران خان کے محفوظ رہنے پر خدا کے شکرانے ادا کیے اور ساتھ ہی لکھا کہ یہ اچھا نہیں ہوا۔
روحیل حیات نے دعا کی خدا آگے بھی ایسے ہی خیریت برقرار رکھے۔
علی ظفر
— Ali Zafar (@AliZafarsays) November 3, 2022
اداکار و گلوکار علی ظفر نے بھی واقعے کی شدید مذمت کرتے ہوئے لکھا کہ انہیں آج بھی بے نظیر بھٹو کے قتل کے بعد پھوٹ پڑنے والے ہنگامے اور تشدد یاد ہے۔
انہوں نے لکھا کہ ہمارا ملک اسی طرح کے دوسرے کسی واقعے کا متحمل نہیں ہوسکتا، ملک کو عمران خان کی ضرورت ہے، ان پر تین سے چار گولیاں چلائی گئیں، ساتھ ہی انہوں نے ان کی صحت یابی کے لیے بھی دعا کی۔
فخر عالم
اداکار و میزبان فخر عالم نے بھی فائرنگ کے واقعے کو افسوس ناک قرار دیتے ہوئے ملک کی حفاظت اور سلامتی کے لیے بھی دعا کی۔
— Fakhr-e-Alam (@falamb3) November 3, 2022
فریحہ الطاف
— Frieha Altaf (@FriehaAltaf) November 3, 2022
ماڈل، اداکار، آرٹسٹ ڈیزائنر فریحہ الطاف نے بھی کنٹینر پر فائرنگ کے واقعے کی مذمت کرتے ہوئے اسے عمران خان کو قتل کرنے کی کوشش قرار دیا۔
انہوں نے مزید لکھا کہ عمران خان کے قافلے پر فائرنگ کا واقعہ افسوس ناک ہے، اس سے ملک میں خوف بڑھ رہا ہے، ساتھ ہی انہوں نے پی ٹی آئی چیئرمین کی جلد صحت یابی کے لیے بھی دعا کی۔
وینا ملک
خان کے لوگوں نے خان کو گھیر کر خان کی جان بچائی
— VEENA MALIK (@iVeenaKhan) November 3, 2022
یہ گولیاں خان پر نہیں 22 کروڑ عوام کے دل پر چلی ھیں ۰۰۰
اداکار وینا ملک نے بھی فائرنگ کے واقعے پر اظہار افسوس کرتے ہوئے ٹوئٹ کی کہ خان کے لوگوں نے خان کو گھیر کر خان کی جان بچائی، یہ گولیاں خان پر نہیں 22 کروڑ عوام کے دل پر چلی ہیں۔
شان شاہد
— Shaan Shahid (@mshaanshahid) November 3, 2022
سینیئر اداکار شان شاہد نے عمران خان کی تصویر شیئر کرتے ہوئے ان کی سلامتی کے لیے دعا کی اور ساتھ ہی لکھا کہ خدا ان کا مددگار ہوگا۔
عثمان خالد بٹ
— Osman Khalid Butt (@aClockworkObi) November 3, 2022
اداکار عثمان خالد بٹ نے بھی واقعے کی مذمت کرتے ہوئے عمران خان اور فیصل جاوید خان سمیت دیگر کی سلامتی کے لیے دعائیں کیں۔
انہوں نے مزید لکھا کہ اس طرح کے واقعات ملک کو انارکی کی طرف دھکیل رہے ہیں۔
عدنان صدیقی
سینیئر اداکار عدنان صدیقی نے فائرنگ کے واقعے کو افسوس ناک قرار دیتے ہوئے زخمی ہونے والے افراد کی جلد صحت یابی کی دعا کی۔
— Adnan Siddiqui (@adnanactor) November 3, 2022
